Каррагер «Челси» ва «Арсенал» ўйинини шарҳлади

«Ливерпуль»нинг собиқ футболчиси Жейми Каррагер якшанба кунги «Челси» ва «Арсенал» ўртасидаги учрашув юзасидан фикр билдирди. Лондоннинг икки гранд жамоаси ўртасидаги баҳс 1:1 ҳисобига дуранг билан якунланди.

«Челси» 38-дақиқада Мойсес Кайседонинг қизил карточка олиши сабаб майдонда бир ўйинчи кам бўлиб қолди, аммо бу ҳолат Трево Чалобага 48-дақиқада ҳисобни очишга тўсқинлик қилмади. Меҳмонлар эса 59-дақиқада Микел Меринонинг голи билан жавоб қайтарди.

«Менимча, биз «Арсенал»ни унчалик ишончли ўйин кўрсатмаганлиги учун танқид қилиш эмас, аксинча, «Челси»ни мақташимиз керак. Жамоа ўнта футболчи билан ажойиб ўйин кўрсатди», – дея таъкидлади Sky Sports эксперти ўйин якунида.

«Челси» айни дамда АПЛ турнир жадвалида 24 очко билан учинчи ўринда бормоқда. «Арсенал» эса 30 очко билан пешқадамлик қилмоқда.