Виталий Денисов Сафоновнинг ўйинини юксак баҳолади

“Локомотив”нинг собиқ футболчиси Виталий Денисов ПСЖ дарвозабони Матвей Сафоновнинг “Фламенго”га қарши учрашувдаги ўйини ҳақида фикр билдирди. Денисовнинг айтишича, бундай чиқишдан сўнг Сафонов мураббийлар штаби ишончига муносиб.

“Матвей ўзини кўрсатди: имкониятини кутди ва ундан унумли фойдаланди. Клубнинг совринни қўлга киритиши учун у етарлича жиддий меҳнат қилди”, — дея Денисов сўзларини келтиради “Советский спорт”.

Жорий мавсумда Сафонов Франция клуби сафида тўртта ўйинда майдонга тушди. Уларнинг иккитасида дарвозаси дахлсиз қолди.

Қўлидан олган жароҳати сабаб дарвозабон тахминан 3–4 ҳафтага сафдан чиқди.