Тео Эрнандес Саудия Арабистонидаги ҳаёти ҳақида гапирди

«Милан»нинг собиқ ҳимоячиси Тео Эрнандес олти йил клуб сафида тўп сурганидан сўнг жамоани тарк этиб, фаолиятини Саудия Арабистонида давом эттирмоқда. Журналистлар футболчидан европаликлар учун ноодатий бўлган бу мамлакатдаги ҳаёти ҳақида сўрашди.

Эрнандеснинг айтишича, у янги муҳитдан мамнун ва танловидан афсусланмаган. Футболчи фақат йўллардаги ҳаракат жуда тиғиз ва қаттиқ тартибда эканини камчилик сифатида тилга олди.

«Бу ерда яшаш ҳақиқатан ҳам ажойиб, танловимдан бирор марта афсусланмадим. Ҳаммаси зўр, фақат йўллардаги тирбандликдан бошқа», дея Тео Эрнандес сўзларини La Gazzetta Dello Sport нашри келтирди.

Қизиғи шундаки, ҳозир Эрнандесни «Интер»нинг собиқ бош мураббийи Симоне Индзаги бошқариб бормоқда.