Хаби Алонсо «Реал»даги кўплаб жароҳатларнинг сабабини тушунтирди

Мадриднинг «Реал» клуби бош мураббийи Хаби Алонсо жамоада жароҳатлар нега кўпайиб кетгани ҳақида фикр билдирди. «Қаймоқранглилар» 2025 йилнинг якуний учрашувида бир қатор муҳим футболчиларидан айрилган бўлса-да, уй майдонида «Севилья»ни 2:0 ҳисобида мағлуб этди.

Алонсонинг айтишича, жароҳатлар кўплигига бир нечта омил таъсир қилади. «Нега бизда жароҳат олганлар шунчалик кўп?

Бунга турли омиллар таъсир кўрсатади. Масалан, кимдир жароҳат сабаб сафдан чиқса, бошқалар кўпроқ ўйнашига тўғри келади.

Натижада юклама ошиб, улар ҳам жароҳатланади. Бу — берк доира.

Эдер Милитао ҳам айнан шундан азият чекди», — дея Алонсо сўзларини Madrid Zone келтиради. «Реал»нинг навбатдаги ўйини 4 январ куни «Бетис»га қарши бўлиб ўтади.