Вулверхэмптон АПЛда мутлақ антирекорд сари кетмоқда

Англиянинг "Вулверхэмптон" клуби АПЛнинг 17-турида "Брентфорд"га мағлуб бўлди ва турнир жадвалининг энг қуйи поғоналарида тобора чуқурроқ ботиб бормоқда. 17 ўйиндан сўнг жамоа ҳисобида атиги икки очко бор.

Инглиз футболи лигалари тарихида 17 учрашувдан кейин шунча кам очко тўплаган ҳолат жуда кам учраган: бундай натижа бор-йўғи икки марта қайд этилган. 1970/1971 йилги мавсумда "Ньюпорт Каунти" тўртинчи лигада 17 ўйиндан кейин икки очко билан қолган бўлса, 2020/2021 йилги мавсумда "Шеффилд Юнайтед" АПЛда худди шундай икки очко билан 17-турдан сўнг оғир инқирозни бошдан кечирган.

Энди эса худди шу салбий кўрсаткич "бўрилар" билан такрорланиш хавфи остида.