ПСЖ 2025 йилдаги 50-ғалабасини қайд этиб, рекорд ўрнатди

Парижнинг ПСЖ клуби Франция кубоги доирасида бешинчи лига вакилига қарши майдонга тушиб, кутилганидек йирик ҳисобда ғалаба қозонди. Парижликлар рақиб дарвозасига тўртта гол урди.

Жамоанинг россиялик дарвозабони Матвей Сафонов жароҳати сабаб учрашувни ўтказиб юборди, бироқ бу натижага таъсир қилмади. Ушбу ғалаба ПСЖ учун 2025 йил давомида барча мусобақаларни ҳисобга олган ҳолда 50-ғалаба бўлди.

Бу кўрсаткич Франция футболи тарихида янги мутлақ рекорд сифатида қайд этилди. Эслатиб ўтамиз, ПСЖ амалдаги Чемпионлар лигаси ғолиби ҳисобланади.

Парижликлар турнир финалида Италиянинг "Интер" клубини 5:0 ҳисобида мағлуб этиб, рекорд даражадаги йирик ғалабага эришганди.