Давиде Анчелотти «Ботафого» билан хайрлашди

Давиде Анчелотти Бразилиянинг «Ботафого» клубида бош мураббийлик лавозимини тарк этди. Мутахассис жамоа билан атиги беш ой ишлади.

Мавсум якунида клуб чемпионатда олтинчи ўринни эгаллади. Анчелотти кетиши ҳақида қуйидагича фикр билдирди: «Бугун профессионал фаолиятимдаги муҳим бир боб ёпилмоқда.

Хайрлашиш ҳар доим осон эмас. Биз катта иштиёқ ва ҳиссиёт билан, жуда жадалликда ишладик.

Жамоа ичида яхши муносабатлар шаклланди. Қарорлар — ўйиннинг бир қисми.

Мен уларни доимо ҳалол ва ҳурмат билан қабул қилишга интилдим. Клубга ҳамма нарса учун миннатдорман», — дея унинг сўзларини derbyderbyderby.it келтирди.

Эслатиб ўтамиз, Давиденинг отаси Карло Анчелотти Бразилия терма жамоасини бошқаради.