Татарстанда буран, бозлавык, томан һәм нуль градуска кадәр җылы булуы көтелә

Бүген, 21 декабрьдә, чираттагы Атлантик циклонның җылы фронты Татарстанга карлы һәм тотрыксыз һава торышы китерәчәк. Бу хакта ТР Гидрометеорология үзәге хәбәр итә.

Республикада болытлы һава торышы булачак. Бераз кар ява дип фаразлана. Кайбер районнарда, Казанны да кертеп, бураннар чыгачак, күз күреме бер-ике километрга начараячак һәм бозлавык барлыкка киләчәк.

Иртә белән кайбер урыннарда төнлә үк төшкән томан саклана. Төбәк юлларында, шул исәптән аның башкаласында да, урыны белән көчле бозлавык.

Көньяк һәм көньяк-көнбатыштан 7-12 м/с тизлектәге җил кайбер урыннарда 15-18 м/с тизлек белән көчәячәк (Казанда-15 м/с кадәр генә).

Шактый салкын төннән соң (көнбатышта -8 градуска кадәр, -15 градуска кадәр, ә аязганда -20 градуска кадәр – көнчыгышта) көндез Татарстанда һава 0, -5 градуска кадәр җылыначак (ТР башкаласында – 0, -2 градуска кадәр).