Мбаппе Роналдунинг рекордини такрорлади, португалиялик муносабат билдирди

Кильян Мбаппе “Реал” сафида бир календар йилида урилган голлар бўйича Криштиану Роналдунинг рекордини такрорлади. Франциялик футболчи “Севилья” дарвозасига гол ургач, уни португалиялик юлдуз услубида нишонлади.

Мбаппенинг ижтимоий тармоқдаги постига изоҳларда шахсан Роналду ҳам муносабат билдириб, Кильяннинг ютуғини ҳурмат қилишини англатди. Криштиану ҳеч қандай сўз ёзмади, бироқ икки белги — қўлларини юқорига кўтарган ва олов рамзларини қолдирди.

Криштиану Роналду “Реал”да 2009–2018 йилларда тўп сурган. Ҳозир 40 ёшли португалиялик Саудия Арабистонида “Ал-Наср” жамоаси шарафини ҳимоя қилмоқда.

Ла Лигада “Реал” пешқадам “Барселона”дан бир очко ортда бормоқда. Бунда каталонияликлар тур доирасидаги учрашувини ҳали ўтказмаган.