Спорт шифокори Сафонов жароҳати тез битишини таъкидлади

Спорт шифокори Никита Карлицкий ПСЖ дарвозабони Матвей Сафоновнинг тикланиш муддати ҳақида фикр билдирди. Аввалроқ Сафонов пенальтилар серияси вақтида қўл қисмида суякнинг майда бўлаги ажралиб кетгани маълум қилинганди.

Хабарларга кўра, россиялик посбон майдонга тахминан уч-тўрт ҳафта ичида қайтиши мумкин. Карлицкийнинг айтишича, бундай жароҳатлар одатда жуда яхши битади ва жароҳат қўлда бўлгани учун у тикланиш уч ҳафтадан кўпроқ чўзилишига унча ишонмайди.

У бу фикрини Match TVга берган изоҳида таъкидлади. Жорий мавсумда 26 ёшли Сафонов барча мусобақаларда тўртта учрашувда майдонга тушди.

У учта гол ўтказиб юборди ва икки бор дарвозасини дахлсиз сақлаб қолди.