Флик Барселона йилни қандай кайфиятда якунлаётганини айтди

Барселона бош мураббийи Ҳанс-Дитер Флик жамоа ичидаги муҳит ва кайфият ҳақида фикр билдирди. Якшанба куни кўк-анорранглилар Вильярреални 2:0 ҳисобида мағлуб этиб, барча турнирлардаги ғалабали сериясини етти учрашувга етказди.

Каталонияликлар 2025 йилни Ла Лига турнир жадвалида етакчи сифатида якунламоқда. "Жамоанинг кайфияти?

Ҳозир футболчилар дам олиш ва кучни тиклаб олиш имконидан хурсанд. Биз жипсмиз ва бир бутун сифатида ҳаракат қиляпмиз, бу эса мени жуда қувонтиради", дея Флик сўзларини Jijantes нашри келтирди.

Барселонанинг иккинчи ўриндаги Мадрид Реали устидан устунлиги тўрт очкони ташкил этади. Кейинги турда, 3 январ куни Флик шогирдларини Эспаньолга қарши сафардаги шаҳар дербиси кутмоқда.