Перес Винисиус бўйича қарор қабул қилди ва шартнома узайтирмоқчи

«Реал» президенти Флорентино Перес юлдуз ҳужумчи Винисиус Жуниор бўйича қарор қабул қилди. Перес бразилиялик футболчининг клубни тарк этишини истамаяпти ва «қаймоқранглилар» у билан имкони борича тезроқ янги меҳнат шартномасини имзолашни режалаштирмоқда.

Бу ҳақда журналист Роберто Гомес Radio Marca’даги La Tribu дастурида маълум қилди. Винисиус Жуниорнинг «Реал» билан амалдаги шартномаси 2027 йилнинг ўрталаригача мўлжалланган.

Агар келишув узайтирилмаса, мадридликлар келаси йилда бразилиялик футболчини сотиши мумкин. Аввалроқ бу ҳақда матбуотда хабарлар чиққан.

«Реал» Испания чемпионати турнир жадвалида иккинчи ўринда бормоқда.