Рабио Аллегри берган лақабни маълум қилди

Франциялик ярим ҳимоячи Адриен Рабио ҳозирда «Милан»ни бошқараётган Массимилиано Аллегридан олган лақаби ҳақида гапирди. Мураббий уни «телба от» деб атайди ва Рабио бундай лақабни ўзи учун ёқимли, ҳатто мақтовдек қабул қилишини айтди.

«Ҳа, Макс отларни ёқтиради, гарчи биз бу ҳақда унчалик кўп гаплашмасак ҳам. У мени “телба отчам” деб атайди.

Мен бу лақабга яхши қарайман, у менга ёқади, мухлислар ҳам уни қабул қилишди», — дея Рабионинг сўзларини pianetamilan.it келтирди. Эслатиб ўтамиз, Рабио ва Аллегри анчадан бери таниш: улар Туриннинг «Ювентус» клубида бирга муваффақиятли ишлаган.

Ҳозир «Милан» Италия чемпионати турнир жадвалида иккинчи ўринда бормоқда.