Фермин Лопес «Барселона»нинг чемпионлик имконини баҳолади

«Барселона» ярим ҳимоячиси Фермин Лопес жамоаси Ла Лиганинг жорий мавсумида чемпионлик пойгасида фаворит ҳисобланадими, деган саволга жавоб берди. Каталонияликлар 18 турдан сўнг 46 очко билан турнир жадвалида пешқадам бўлиб турибди ва Мадриднинг «Реал» клубини тўрт очкога ортда қолдирмоқда.

«Менга “асосий фаворит” деган ёрлиқлар билан боғлиқ гаплар ёқмайди. Бошқа жамоалар билан таққослашни ҳам хуш кўрмайман.

Биз ҳеч кимга қараб иш тутмаймиз — шунчаки имкони борича яхши ўйнашга ҳаракат қиламиз. Албатта, “Реал” — бизнинг асосий рақибимиз, аммо агар ўз даражамизда қолиб, ҳаммасини тўғри қилишда давом этсак, натижалар албатта келади», — дея Фермин сўзларини Barca Universal келтирди.

3 январ куни «Барселона» сафарда «Эспаньол»га қарши ўйнайди.