«Осасуна» «Атлетико» ҳимоячиси Хави Галан билан келишувга эришди

«Осасуна» Мадриднинг «Атлетико» клуби ҳимоячиси Хави Галан билан келишувга эришди. Фабрицио Романо маълумотига кўра, трансфер 500 минг евро эвазига амалга ошади, шунингдек шунча миқдорда бонуслар ҳам кўзда тутилган.

31 ёшли испаниялик футболчининг бозор қиймати 3,5 млн еврони ташкил этади. Унинг Мадрид клуби билан шартномаси 2026 йил 30 июнда якунланади, шундан сўнг у эркин агентга айланади.

2025/2026 йилги мавсумда Галан барча мусобақаларда, жумладан Клублар ўртасидаги жаҳон чемпионатида ҳам, 10 та ўйинда майдонга тушиб, 1 та голли узатма муаллифи бўлди. Галан 2024 йил ёзида «Реал Сосьедад»дан «Атлетико»га ўтган, бироқ «матрасчилар» таркибида ўз ўрнини мустаҳкамлаб ололмади.