Атта йөреп ял итәсең килсә, Зәйгә рәхим ит!

Зәйнең ат спорты мәктәбе шәкертләре кышкы каникуллар чорында яшьтәшләрен, кече яшьтәгеләрне әлеге спорт төрендә шөгыльләнергә кызыксындыру максатында үзенчәлекле атта йөрү экскурсияләре уздыралар. Бәләкәйләрне пониларга атландырып, өлкәнрәкләрне чын чабышкыларга утыртып юрттырып килү мөмкинлеге тудырыла. Кызыксынучылар "Энергетик" мәдәният сарае каршындагы мәйданга көндезге сәгать бердә килә ала.