Кассано Тиаго Силва «Милан» билан келишмоқчи бўлганини айтди
Италиялик собиқ футболчи Антонио Кассано Тиаго Силванинг Европага қайтиши ортидан юзага келган вазиятга муносабат билдирди. Кўпчилик бразилиялик ҳимоячи аввал ўйнаган «Милан»га қайтади, деб кутган эди, бироқ у Португалиянинг «Порту» клуби билан шартнома имзолади. Бу ҳақда euro-football.ru хабар беради.
Кассанонинг айтишича, Тиаго Силва айнан «Милан» вариантини танлашга тайёр бўлган, ҳатто Златан Ибрагимович ҳам унинг келишини қўллаб-қувватлаган. Бироқ жараённи бош мураббий Массимилиано Аллегри секинлаштирганини у таъкидлади.
Эслатиб ўтамиз, Тиаго Силва 2009–2012 йилларда «Милан» сафида тўп сурган. Айни пайтда миланликлар А Серия турнир жадвалида иккинчи ўринда бормоқда.