Тәүлек эчендә 10 мең тонна кар түгелгән
Кыш башланганнан бирле Казан шәһәре урамнарыннан 116 мең тоннадан артык кар түгәргә өлгергәннәр инде.
Узган тәүлектә, 5 гыйнварда, Казан урамнарыннан 10,2 мең тонна кар төяп түгелгән.
Башкаланың Тышкы төзекләндерү комитеты мәгълүматларына караганда, урамнарны кардан чистарту эшенә кичә 420 юл эшчесе һәм 731 махсус техника берәмлеге җәлеп ителгән. Бер тәүлек эчендә бозлавыкка каршы 954 тонна материал сибелгән.
План буенча бүген шәһәр урамын чистартырга 305 эшче һәм 264 берәмлек махсус техника чыгарга тиеш.