Қазақстанның оңтүстігінде жер сілкінді
5 қаңтар күні Астана уақытымен таңертеңгі сағат 10:15 кезінде Қазақстанның оңтүстігінде, Алматы мен Жамбыл облыстарының шекарасы тұсында жер сілкінді. Бұл туралы Қазақстан ұлттық деректер орталығы (ҚҰДО) хабарлады.
ҚҰДО дерегінше, 3,7 магнитудалы жер сілкінісінің ошағы Отар ауылынан солтүстікке қарай 30 шақырым қашықта тіркелген.
Табиғат құбылысынан адамдар зардап шеккені я дүние-мүлік қирап-бүлінгені туралы хабар түскен жоқ.