Ўзбекистонлик аёллар кўпроқ неча ёшда турмуш қурмоқда?

2025 йилнинг январь–сентябрь ойларида Ўзбекистон Республикасида жами 177 017 та никоҳ расман қайд этилган. Бу ҳақда Миллий статистика қўмитаси маълум қилди.

Келтирилган рақамлар шуни кўрсатадики, никоҳ тузаётган аёллар орасида энг катта улуш 20–30 ёш тоифаси ҳиссасига тўғри келмоқда. Яъни, мамлакатда аёллар асосан 20–30 ёш атрофида оила қуришяпти.

Қайд этилган никоҳларда аёлларнинг ёш гуруҳлари бўйича тақсимланиши қуйидагича:

-20 ёшгача — 65 078 нафар (36,8 фоиз)

-20–30 ёш — 94 765 нафар (53,5 фоиз)

-31–40 ёш — 13 137 нафар (7,4 фоиз)

-41 ёш ва ундан катталар — 4 037 нафар (2,3 фоиз)

Кўриниб турибдики, 20 ёшгача бўлганлар улуши ҳам анча юқори, аммо асосий “катта тўлқин” барибир 20–30 ёшда тўпланган.