Эчә-эчә иптәшен суйган
Озакка сузылган яллар кайберәүләр өчен аянычлы тәмамлана...
Республикада гыйнвар ялларының сигез көнендә 25 фаҗига теркәлгән. Шуларның күпчелек өлеше эчкечелек нәтиҗәсендә килеп чыккан.
Чираттагы аянычлы хәл кичә Чистайда булган. Беркая да эшләмәүче 27 яшьлек ир үзенең 48 яшьлек иптәше белән эчеп утырганда тавыш чыгара һәм озак уйлап тормыйча пычак белән кадый. Юлдашы шундук җан бирә. Баксаң, ир моңа чаклы да хөкем карарына тартылган булган икән.