«Ливерпуль» «Арсенал»га қарши баҳсни анти рекорд билан якунлади
АПЛнинг 21-тур марказий учрашувида Лондоннинг «Арсенал» жамоаси «Ливерпуль»ни қабул қилди ва томонлар 0:0 ҳисобидаги дурангга рози бўлди. Opta Analyst маълумотига кўра, бу баҳсда мерсисайдликлар ёқимсиз статистик қайд билан ажралиб турди. Бу ҳақда euro-football.ru хабар беради.
«Қизиллар» Англия премьер-лигаси доирасида 16 йилдан бери илк бор ўйин давомида дарвоза тўсиғига бирорта ҳам аниқ зарба бера олмади. Охирги марта бундай ҳолат 2010 йил мартида «Ливерпуль» «Уиган»га 0:1 ҳисобида ютқазган учрашувда кузатилганди.
«Эмирейтс»даги дурангдан сўнг Арне Слот бошқарувидаги жамоа турнир жадвалида тўртинчи ўринда бормоқда. «Ливерпуль» АПЛнинг амалдаги чемпиони ҳисобланади.