Өч кыз кибет баскан
13 тән 17 яшькә кадәрге кызлар азык-төлек кибетен басканнар.
Яр Чаллы үсмерләренә карата хәзер җинаять эше кузгатылган. Алар өчәүләшеп кибет ишегенең пыяласын чыгарганнар һәм сәүдә залына кереп, касса аппаратыннан акча салынган ике лотокны урлаганнар. Кызлар каравыл килгәнче качканнар-качуын. Әмма кибеттә урнаштырылган күзәтү аларның шәхесен ачыкларга ярдәм иткән. Кызларга 6 мең сум акча урларга мөмкин булган. Полиция хезмәткәрләре аның нибары 1,5 мең сумын гына тапкан. Калган акчаны кызлар тәм-томга тотарга өлгергән.