Сергей Юран Туркиядаги икки клубдан таклиф кутмоқда
Машҳур мураббий Сергей Юран Туркиянинг икки клуби унинг хизматларига қизиқиш билдирaётганини маълум қилди. Мутахассис қайси жамоалар экани ҳақида аниқ ном айтмади, бироқ улар қайси дивизионда ўйнашини очиқлади. Бу ҳақда euro-football.ru хабар беради.
Юраннинг сўзларига кўра, у агенти билан доимий алоқада: бир таклиф Туркия Суперлигасидан, иккинчиси эса Биринчи лигадан келмоқда. Мураббий яқин кунларда бу борада аниқлик пайдо бўлиши мумкинлигини таъкидлади.
Эслатиб ўтамиз, Сергей Юран икки ойдан ортиқ вақт давомида мураббийликсиз. Октябрь охирида у «Серик Беледиеспор» клубидаги бош мураббийлик лавозимини тарк этган, у ерда бор-йўғи 11 расмий учрашувда жамоани бошқарган эди.
Бир ҳафта аввал Юран ҳозирча шунчаки дам олаётганини айтганди.