Левеллинг «Штутгарт»ни тарк этишни истамаслигини айтди

Германия терма жамоаси ва «Штутгарт» вингери Жейми Левеллинг клубдан кетиши мумкинлиги ҳақидаги гап-сўзларга муносабат билдирди. Аввалроқ Англиянинг «Борнмут» жамоаси футболчи учун 40 миллион евро таклиф қилгани хабар қилинганди. Бу ҳақда euro-football.ru хабар беради.

10 январ куни «Байер»га қарши учрашувда дубл муаллифи бўлган Левеллинг Sky Sport’га берган интервьюсида келажаги борасидаги миш-мишларни рад этди.

«Одатдаги гап: мен кетишни хоҳламайман. Бу рост. Жамоамизнинг режаси бор, менинг ҳам шахсий мақсадларим бор. Бу ерда ўзимни қулай ҳис қиламан. Бугун ҳам кўринди, мени ҳеч нарса безовта қилмаяпти», — деди футболчи.

Клуб спорт директори Фабиан Волг’емут ҳам қишда футболчи бошқа жамоага ўтмаслигини тасдиқлади. Жорий мавсумда 24 ёшли Левеллинг 25 ўйинда 6 гол уриб, 7 ассист қайд этган.