Әлмәттә авария: зыян күрүчеләр бар
Юл-транспорт һәлакәте Кәләй авылы ягына таба борылышта була.
Ике иномарка да – Форд һәм Мазда машиналарына шәп кенә зыян килә. Ашыгыч медициа ярдәме ике шоферны һәм аларның пассажирларын, барлыгы дүрт кешене шифаханәгә алып китә. Бер зыян күрүчене хәтта салонны кисеп алырга туры килә. Авария тизлекне арттыру һәм каршы як полосага чыгу нәтиҗәсендә булган.