«Расинг» «Барселона»ни чемпионлик коридори билан кутиб олади

Испания Кубоги 1/8 финалида «Расинг»га қарши бўладиган учрашувда «Барселона»га чемпионлик коридори ташкил этилади. Бу ҳақда euro-football.ru хабар беради.

Сантандер клуби «кўк-анорранглилар»ни 15-январ, пайшанба куни ўз майдонида қабул қилади. Diario Sport хабарига кўра, ўйин бошланишидан аввал «Расинг» футболчилари каталонияликларнинг Испания Суперкубогидаги яқиндаги ғалабасини эътироф этиб, анъанавий чемпионлик коридорини уюштириб беради. Сегундада пешқадам бўлиб турган жамоа турнирда қатнашмаган бўлса-да, бу одатдан воз кечмаяпти.

Эслатиб ўтамиз, Суперкубок финалида Ҳанс-Дитер Флик бошчилигидаги «Барселона» Мадриднинг «Реал»ини 3:2 ҳисобида мағлуб этганди. «Эл Класико»дан сўнг эса мадридликлар принципиал рақибига чемпионлик коридорини қилишдан бош тортган эди.