Хаби Алонсо истеъфодан олдин «Реал»ни кескин танқид қилди

Хаби Алонсо душанба куни «Реал» бош мураббийлиги лавозимини тарк этди. El Larguero дастурида айтилишича, истеъфо бўйича қарор қабул қилинган учрашувда мутахассис клуб иш услубини очиқ танқид қилган. Бу ҳақда euro-football.ru хабар беради.

Манбага кўра, Алонсо футболчиларга ҳаддан ташқари кўп ваколат берилмаслиги кераклигини таъкидлаган. У клуб доим ўйинчилар томонини олса, мураббий учун кийиниш хонасида тартиб ва назоратни ушлаб туриш анча қийинлашишини урғулган.

«Реал»нинг янги бош мураббийи этиб Альваро Арбелоа тайинланди. Жамоа навбатдаги ўйинини 14-январ, чоршанба куни Испания Кубогида «Альбасете»га қарши ўтказади, учрашув 01:00 да (Тошкент вақти билан) бошланади.