Данис Шакиров Стәрлетамакта татар җәмәгатьчелеге белән очрашты
Бүген, 14 гыйнвар көнне, Бөтендөнья татар конгрессы Башкарма комитеты җитәкчесе Данис Шакиров Стәрлетамак шәһәренең татар җәмәгатьчелеге вәкилләре белән очрашты. Бу хакта Бөтендөнья татар конгрессы матбугат хезмәте хәбәр итә.
Очрашу барышында милли-мәдәни берләшмәләр эшчәнлегенең актуаль мәсьәләләре, шәһәр мохитендә татар телен саклау, мәдәни чаралар үткәрү һәм яшьләрне иҗтимагый эшкә җәлеп итү турында фикер алыштылар.
Милли тиңдәшлекне ныгытуга һәм буыннар арасында диалогны үстерүгә юнәлдерелгән инициативаларга аерым игътибар бирелде. Шулай ук Данис Шакиров Бөтендөнья татар конгрессының Рәхмәт хатларын тапшырды, диелә хәбәрдә.