Уч нафар вояга етмаган боланинг уй-жойга киритилиши таъминланди
0
Фуқаролик ишлари бўйича Миробод туманлараро судининг 2025 йил 19 декабрдаги қароригa асосан, ундирувчи М.А. уч нафар вояга етмаган фарзандлари билан Яшнобод туманида жойлашган, собиқ турмуш ўртоғига тегишли бўлган хонадонга киритиб қўйилиши белгиланган.
Ушбу ижро ҳужжати 2025 йил 24 декабрь куни Мажбурий ижро бюросининг Яшнобод туман бўлими давлат ижрочиси К.Байзакова томонидан иш юритувига қабул қилиниб, ижро иши қўзғатилган.
Қарздорга суд қарорини ихтиёрий бажариш учун муддат берилган, аммо белгиланган вақтда талаб бажарилмаган.
Шундан сўнг, 2026 йил 13 январь куни давлат ижрочиси томонидан мажбурий ижро ҳаракатлари амалга оширилиб, она уч нафар фарзанди билан мазкур хонадонга киритиб қўйилди.