Ռուբիոն և Բայրամովը հեռախոսազրույց են ունեցել

Միացյալ Նահանգների պետքարտուղար Մարկո Ռուբիոն և Ադրբեջանի արտաքին գործերի նախարար Ջեյհուն Բայրամովը հեռախոսազրույց են ունեցել, տեղեկացնում է ԱՄՆ պետքարտուղարության մամուլի ծառայությունը։

Հեռախոսազրույցի ընթացքում կողմերն անդրադարձել են Հարավային Կովկասում խաղաղության և բարգավաճման առաջմղմանը նպաստող վստահության ամրապնդման քայլերին։

Պետքարտուղարության հաղորդագրության համաձայն՝ Մարկո Ռուբիոն իր գոհունակությունն է հայտնել նաև Ադրբեջանի կողմից Հայաստան վառելիքի մատակարարումների կապակցությամբ՝ ընդգծելով, որ դա կարևոր քայլ է 2025 թվականի օգոստոսի 8-ին Սպիտակ տանը ԱՄՆ նախագահ Դոնալդ Թրամփի հովանավորությամբ ստորագրված պատմական խաղաղության համաձայնագրի շրջանակներում Հայաստանի և Ադրբեջանի միջև հարաբերությունների զարգացման համար։

The post Ռուբիոն և Բայրամովը հեռախոսազրույց են ունեցել first appeared on MediaLab Newsroom-Laboratory.