Марк Гехи «Манчестер Сити»даги устунликдан ҳайратда қолди

Ҳимоячи Марк Гехи янги жамоасидан мамнун. Душанба куни 25 ёшли футболчининг «Кристал Пэлас»дан «Манчестер Сити»га трансфери расман эълон қилинди. Бу ҳақда euro-football.ru хабар беради.

Гехининг айтишича, «Манчестер Сити»нинг сўнгги йиллардаги натижалари клубнинг майдондаги мутлақ устунлигини яққол кўрсатади. У «шаҳарликлар»нинг босиб ўтган йўли ва янада ўсишга бўлган интилиши жуда таъсирли эканини таъкидлади ҳамда жамоага ёрдам бериб, ўз ҳиссасини қўшишни исташини билдирди.

Маълум қилинишича, Марк Гехи «Манчестер Сити» билан 2030/2031 мавсуми якунигача мўлжалланган шартнома имзолади. У янги клубида 15-рақам остида тўп суради.