Ташламага ия гражданнарның транспортка субсидия күләме үзгәртелде
1 гыйнвардан Татарстанда ташламага ия булган гражданнарның транспортта йөрү өчен субсидияләре күләме үзгәртелде.
Бу ТР Хөкүмәте карарына нигезләнеп башкарыла, диелә “Транспорт картасы” җәмгыяте сайтында. Шулай итеп, балалар өчен бер айга бердәм социаль йөрү билеты 258 сум, ә бердәм социаль йөрү билеты – 427 сум булды. Моңа кадәр ташламалы карталарны тулыландыру бәясе 241 һәм 399 сум иде.