Трент «Реал»да қолишдан кўнгли тўлмаяпти ва «Бавария»ни кўзламоқда

Ҳимоячи Трент Александер-Арнолд ўтган ёзда «Ливерпул»ни тарк этиб, «Реал» сафига қўшилганди. Аммо унинг Испаниядаги фаолияти кутилганидек кетмаяпти: инглиз футболчисини жароҳатлар тинимсиз безовта қилмоқда. Бу ҳақда euro-football.ru хабар беради.

Defensa Central хабарига кўра, Трент «Реал»даги ҳозирги ҳолатидан норози ва ёзги трансфер ойнаси арафасида клубини алмаштириш йўлида қадамлар ташламоқда. Манбага ишонилса, Александер-Арнолднинг ўзи «Бавария»га ўтишни истаяпти.

Қайд этилишича, бундай трансфер учун «Реал»нинг розилиги муҳим, чунки футболчининг шартномаси 2031 йил ўрталаригча амал қилади, товон пули эса 1 миллиард евро этиб белгиланган. Мадрид клуби эса Трент яна юқори даражага қайтиб, жамоа учун муҳим футболчига айланишига ишонмоқда.