«Килмесс» стадиони янгиланиши учун мухлислардан ёрдам сўради
Аргентина футболидаги энг қадимий клублардан бири бўлган «Килмесс» 1887 йилда ташкил топган. Шу боис жамоанинг мухлислари ҳам кўп, бироқ ҳозир клуб оғир даврни бошдан кечирмоқда ва қўллаб-қувватлашга муҳтож. Бу ҳақда euro-football.ru хабар беради.
Раҳбарият стадионни қайта қуриш режасини эълон қилар экан, ноодатий йўлни танлади: гап пул хайрияси ҳақида эмас. Мухлисларга эски усулда стадионга келиб, жисмоний меҳнат қилиш — таъмирлаш ва қайта жиҳозлаш бўйича топшириқларни бажаришда ёрдам бериш таклиф этилди.
Жанубий яримшарда жазирама ёз ҳукм сураётганига қарамай, мухлислар чақириққа ижобий жавоб берди ва клубнинг илтимосини мамнуният билан қўллаб-қувватлади.