Барселона ЛЧ ғалабасига бир дарвозабон етишмаганини ўйлайди
“Барселона” ўтган мавсум Чемпионлар лигасидаги юришини ярим финалда якунлаган, каталонияликлар Миланнинг “Интер” жамоасига икки ўйин натижасига кўра 6:7 ҳисобида имкониятни бой берганди. Бу ҳақда euro-football.ru хабар беради.
Журналист Адриан Санчес хабарига кўра, клубдаги айрим раҳбарлар ўша кампанияда таркибда дарвозабон Жоан Гарсия бўлганида, “кўк-анорранглилар” Чемпионлар лигасини ютиши мумкин эди, деган фикрда. 24 ёшли испаниялик посбон июн ойида “Эспаньол”дан 25 миллион евро эвазига трансфер қилинган.
Клубдагилар ҳозирги жамоа ўзаги Ханс-Дитер Флик қўл остида энг катта мақсадларга ҳам етиши мумкинлигини, шу боис қиммат трансферларга зарурат йўқлигини таъкидлашмоқда. Эслатиб ўтамиз, “Барселона” Чемпионлар лигаси плей-офф босқичига чиқишни аллақачон кафолатлаган, бироқ умумий босқич якунида 1/8 финалга тўғридан-тўғри йўлланмасиз қолиб кетиши ҳам мумкин.