Слуцкий бошқарувидаги «Шанхай Шэньхуа» Осиёда яна ютқазди
Леонид Слуцкий бошқарувидаги «Шанхай Шэньхуа» Осиё Чемпионлар лигасида навбатдаги учрашувда ҳам очкосиз қолди. Хитой клуби умумий босқичнинг 6-турида сафарда Япониянинг «Хиросима» жамоасига 0:1 ҳисобида мағлуб бўлди. Бу ҳақда euro-football.ru хабар беради.
Баҳс тақдирини 78-дақиқада киритилган гол ҳал қилди: мезбонлар сафида ҳимоячи Хаято Араки аниқ зарба билан жамоасига уч очко олиб берди. Бу натижа «Шанхай Шэньхуа» учун турнирдаги кетма-кет учинчи мағлубият бўлди.
Олти турдан сўнг Слуцкий жамоаси 4 очко билан жадвалда 11-ўринда бормоқда. «Хиросима» эса 11 очко жамғарган ҳолда учинчи поғонадан жой олди.