Автогол ва пеналти билан кечган ўйинда «Фрайбург» ғалаба қозонди

Бундеслиганинг 19-турида «Фрайбург» ва «Кёльн» ўртасидаги баҳс воқеаларга бой тарзда ўтди. Бу ҳақда euro-football.ru хабар беради.

Учрашувнинг 10-дақиқасида ҳисобни меҳмонлар очди: Макс Розенфельдер тўпни ўз дарвозасига киритиб юборди. Бироқ «Фрайбург» тезда жавоб қайтарди — 11-дақиқада Юито Судзукининг узатмасидан сўнг Дерри Шерхант дарвозабон устидан тўпни ошириб, мувозанатни тиклади. Танаффус олдидан, 44-дақиқада эса Игор Мтанович Маттиас Гинтер узатмасини голга айлантириб, мезбонларни олдинга олиб чиқди — 2:1.

Иккинчи бўлим ўртасида «Кёльн» дарвозаси томон пеналти белгиланди: Алессио Кастро-Монтес қўл билан ўйнагани қайд этилди. Аммо Мтанович 11 метрлик зарбани голга айлантира олмади — дарвозабон тўпни қайтариб, бурчак зарбасига йўналтирди.

Ушбу ғалабадан сўнг «Фрайбург» турнир жадвалида 7-ўринга кўтарилди, «Кёльн» эса 10-поғонада қолди.