Роналдудан ғалабадан кейин муҳим ва қисқа баёнот

Саудия Арабистони Про-лигасининг душанба кунги баҳсида «Ал-Наср» «Ал-Таавун»ни 1:0 ҳисобида мағлуб этди. Учрашувдан сўнг жамоа етакчиси Криштиану Роналду ижтимоий тармоқларда фикр билдирди. Бу ҳақда euro-football.ru хабар беради.

Португалиялик ҳужумчи бу сафар гол ура олмади, бироқ жамоанинг натижасидан мамнунлигини яширмади. «Қадам-бақадам. Мақсадимизга тўлиқ эътибор!» — деб ёзди Роналду.

Ушбу уч очко «Ал-Наср»га турнир жадвалида иккинчи поғонага кўтарилиш имконини берди. Пешқадам «Ал-Ҳилол»дан ортда қолиш ҳозирча беш очко.

5 февраль куни Роналду 41 ёшни қарши олади. Футболчининг «Ал-Наср» билан амалдаги шартномаси 2026/2027 йилги мавсум якунигача мўлжалланган.