Аргентинанинг энг қадимий клуби стадионни қайта қуриш учун ёрдам сўради
Аргентинанинг энг қадимий жамоаларидан бири ҳисобланган «Килмес» 1887 йилда ташкил топган. Шу сабаб клубнинг содиқ мухлислари кўп, аммо ҳозир у оғир даврни бошдан кечирмоқда. Бу ҳақда euro-football.ru хабар беради.
Клуб раҳбарияти стадионни қайта қуриш режалари фонида мухлисларга мурожаат қилди. Гап одатдагидек пул йиғиш ҳақида эмас: ишқибозлардан стадионга келиб, таъмирлаш ва қайта жиҳозлаш бўйича турли жисмоний ишларни бажариш сўралмоқда.
Жанубий яримшарда жазирама ёз бўлишига қарамай, мухлислар бу чақириқққа ижобий жавоб берди ва клубга амалда ёрдам беришга тайёр эканини кўрсатди.