Константин Генич «Реал» бу мавсум ҳеч нарсага даъвогар эмас деди
Машҳур шарҳловчи Константин Генич Мадриднинг «Реал» жамоасининг жорий мавсумдаги имкониятлари ҳақида фикр билдирди. Бу ҳақда euro-football.ru хабар беради.
Геничнинг таъкидлашича, «Реал» ҳозирча жиддий совринлар учун асосий номзод бўлиб кўринмаяпти. Унинг фикрича, Ла Лигани ютиб олиш эҳтимоли сақланиб қолган бўлса-да, Чемпионлар лигасида мадридликлар фаворитлар қаторига кирмайди. У бу фикрларини «Komment.Shou» YouTube каналида айтиб ўтди.
Испания чемпионати турнир жадвалида «қироллик клуби» 51 очко билан иккинчи ўринда бормоқда. Алваро Арбелоа бошқарувидаги жамоа пешқадам «Барселона»дан атиги бир очкога ортда қолмоқда.
Кейинги учрашувда «қаймоқранглилар» УЕФА Чемпионлар лигаси умумий босқичининг 8-турида сафарда Лиссабоннинг «Бенфика»сига қарши майдонга тушади.