Давид Трезеге Буэнос-Айресда «Ривер Плейт»га қайтди ва лавозим олди

Туриннинг «Ювентус» клуби ҳамда Франция терма жамоасининг собиқ ҳужумчиси Давид Трезеге яна Аргентинага қайтди. У аввалроқ «Ривер Плейт» сафида ўйнаган ва жамоа билан мамлакатнинг иккинчи лигасида чемпионликни ҳам қўлга киритганди. Бу ҳақда euro-football.ru хабар беради.

Бу сафар Трезеге футболчи сифатида эмас, клубнинг раҳбарияти таркибига қўшилиш учун Буэнос-Айресга келган. «Ривер Плейт» уни бутун бошқарув жамоаси иштирокида расмий тарзда таништирди, бироқ унинг аниқ лавозими ҳозирча очиқланмади.

Клуб маълумотига кўра, Трезеге стратегик масалалар билан шуғулланади ва «Ривер Плейт»ни институционал даражада вакиллик қилади. Эслатиб ўтамиз, француз футболчи 2015 йилда фаолиятини якунлаган.