Татарстанда ел башыннан бирле юл-транспорт һәлакәтләрендә 26 кеше һәлак булган
2026 елның гыйнвар аенда республика юлларында булган юл-транспорт һәлакәтләрендә 26 кеше үлгән. Бу хакта бүген Татарстан Республикасы Министрлар Кабинетында Юл хәрәкәте иминлеге комиссиясе утырышында Татарстан буенча баш дәүләт инспекторы Рөстәм Гарипов хәбәр итте.
«Кышкы чорда һәлак булучылар саны күп була. Быел гыйнвар аенда гына да 26 кеше үлде. Аларның җидесе һава торышы шартлары начар булган чорда һәлак булды. Якын арада тагын һава торышы начараю көтелә. Юлларны чистарту өчен өстәмә техника чыгаруны оештырырга кирәк, - дип билгеләде республиканың баш дәүләт автоинспекторы.