Илкай Гюндоган «Сити» «Арсенал»дан ўзиб кетишига ишонади

«Галатасарой» ярим ҳимоячиси Илкай Гюндоган Англия Премьер-лигасидаги чемпионлик пойгаси ҳақида фикр билдирди. Бу ҳақда euro-football.ru хабар беради.

35 ёшли футболчи чоршанба куни Чемпионлар лигаси умумий босқичининг сўнгги турида собиқ жамоаси «Манчестер Сити»га қарши майдонга тушади.

Гюндоганнинг таъкидлашича, «Сити» «Арсенал»ни ортда қолдириб, Премьер-лига чемпионлигини қўлга киритиши мумкин. У сўнгги пайтларда фарқ қисқарганини эслатиб, «шаҳарликлар» формага кирса, узоқ вақт мағлубиятсиз серия қайд этишга қодир жамоа эканини айтди. Шунингдек, у жамоа ва мураббийга ишонишини билдириб, уларга омад тилади.

Эслатиб ўтамиз, 23 турдан сўнг «Манчестер Сити» АПЛ жадвалида пешқадам «Арсенал»дан тўрт очко ортда бормоқда.