Непомнящий Макаров «Кайсериспор»га мос келишини айтди
Туркия клубларида ишлаш тажрибасига эга россиялик мураббий Валерий Непомнящий Денис Макаровнинг «Кайсериспор»га ўтиши ҳақида фикр билдирди. Ярим ҳимоячи Москванинг «Динамо»сидан эркин агент сифатида клубни тарк этди. Бу ҳақда euro-football.ru хабар беради.
Непомнящийнинг айтишича, Макаровнинг Туркияда ўзини кўрсатиб кетишига у қадар ишончи катта эмас. Мураббий футболчининг майдондаги сифатлари турк жамоаларига мос келишини таъкидлади, бироқ менталитет ва кундалик ҳаётга мослашиш борасида саволлар борлигини қўшимча қилди.
Ҳозирда «Кайсериспор» қуйи лигага тушиб кетмаслик учун курашмоқда: жамоа 15 очко билан 17-ўринда. 27 ёшли Макаров эса жорий мавсум барча турнирларда 12 ўйинда майдонга тушиб, 3 гол урди ва 1 ассист қайд этди.