Рөстәм Миңнеханов татарстанлыларны юлларда игътибарлы булырга өндәде
Татарстан Рәисе Рөстәм Миңнеханов үзенең социаль челтәрләрдәге битләрендә республикада яшәүчеләрне һава шартларында юлларда игътибарлы булырга өндәде.
«Бер тәүлектә айлык явым-төшем нормасының өчтән бере яуды. Якын көннәрдә кар яву дәвам итәчәк. Юлларда игътибарлы булыгыз», – дип язды ТР Рәисе MAX мессенджерындагы блогында.
Шул ук вакытта Миңнеханов нейрочелтәрләр ярдәмендә эшләнгән иронияле видео урнаштырган. Анда пингвин кар көртләре аша Казан Кремленә ашыга, «барыбер эшкә барам...» дип язылган.
Видео: max.ru/rustamminnikhanov.