КДМУ ректоры вазифаларын башкаручы Диана Габделганиевага мактаулы исеме бирелде

Казан дәүләт медицина университеты ректоры вазифаларын башкаручы Диана Габделганиевага «Россиянең атказанган табибы» дигән мактаулы исеме бирелде. Шул хактагы указны Владимир Путин имзалаган. Документ хокукый актлар порталында урнаштырылган.

Диана Габделганиева - медицина фәннәре докторы, профессор, госпиталь терапиясе кафедрасы мөдире. 2025 елның сентябрендә ул КДМУ ректоры вазифаларын башкаручы итеп билгеләнде.