Ўйнаши бор қиз тўйдан уч ой ўтгач, эрини ўлдириб қўйди
Ҳиндистоннинг Ражастхан штатида 23 ёшли қиз ўйнаши билан турмуш қурганидан уч ой ўтиб эрини ўлдириб қўйди, деб хабар берди NDTV.
Тергов версиясига кўра, 25 ёшли Санжай Анжали билан 2018 йилда тўйда танишган. Эр-хотин телефон рақамларини алмашишди, аммо алоқа узилди. 2024 йилда қиз Санжайни қидириб топади ва улар ўртасида ишқий муносабатлар пайдо бўлади. Ота-она қизининг севгилиси билан турмуш қуришига қаршилик кўрсатган ва 2025 йил октябрь ойида уни Ашиш Кумарга турмушга берган. Ўзини жуда бахтсиз ҳис қилган қиз севгилиси билан алоқани давом эттирди, кейин эса қонуний турмуш ўртоғидан қутулишга қарор қилди.
30 январь куни кечқурун Анжали эрига сайр қилишни таклиф қилди ва ўйнашига қаерга кетаётганини айтди. Жиноятчи икки шериги билан аллақачон йўл четидаги буталар орасида ўз қурбонини кутаётган эди. Эр-хотин яқинлашиши билан эркаклар Ашишга ҳужум қилиб, бошига таёқлар билан кўплаб зарбалар беришди. Кейин уни шарф билан бўғиб ўлдиришган.
Ўғирликни саҳналаштириш учун Анжали босқинчиларга зираклари ва эрининг мобил телефонини берган, сўнгра йўлга ётиб, ўзини ҳушидан кетган қилиб кўрсатган.
Йўлдан ўтаётганлар полицияга қўнғироқ қилишди. Эр-хотин касалхонага олиб кетилди ва у ерда Ашиш Кумар вафот этди. Мурдани ёриб кўриш шуни кўрсатдики, у бўғилишдан ўлган, гарчи хотини дастлаб уни машина уриб кетган деб ишонтирган бўлса-да. Қиз, унинг севгилиси ва шериклари ҳибсга олинди.