Киряаков Сафонов дунёдаги энг кучли клубда ўйнамоқда

“Гамбург”нинг собиқ футболчиси Сергей Киряаков “ПСЖ” дарвозабони Матвей Сафоновнинг ҳозирги ўйинлари ҳақида фикр билдирди. Бу ҳақда euro-football.ru хабар беради.

Киряаковнинг таъкидлашича, футболда баъзан имконият йўқдек туюлади, аммо вақт ўтиб айнан керакли лаҳза пайдо бўлади.

“Ана шу лаҳза унинг учун келди. Финал, эҳтимол, энг кучли мусобақа эмасдир, лекин у ўз имкониятидан маҳкам ушлади. Энди асосий вазифа — шу даражани сақлаб қолиш, бу эса анча қийин. Кейини эса вазиятнинг ўзи кўрсатади”, — дея Киряаковнинг сўзларини келтиради “RB Sport”.

Мутахассис Сафоновнинг кейинги тақдири кўп жиҳатдан унинг руҳий тайёргарлигига боғлиқлигини айтди, чунки у ҳозир, Киряаков фикрича, сайёрадаги энг кучли жамоада тўп сураётгандек.

Эслатиб ўтамиз, мавсум давомида Сафонов “ПСЖ”нинг асосий таркибидан жой олиб, Люка Шевалйени захирага суриб қўйди. Россиялик дарвозабон ҳисобида 7 та ўйин, 5 та ўтказиб юборилган гол ва 3 та “қуруқ” учрашув бор.