Джикия «Анталяспор»ни тарк этиб, РПЛга қайтиши мумкин
Россиялик ҳимоячи Георгий Джикиянинг келажаги борасида унинг агенти Малик Арутюнов изоҳ берди. Бу ҳақда euro-football.ru хабар беради.
Агентнинг айтишича, футболчи маош кечикаётгани сабабли норози ва шу боис Россия Премьер-лигасидаги клублар вариантларини кўриб чиқмоқда. Арутюнов таъкидлашича, тўловлар ноябр ойидан бери ушлаб келинмоқда, қолган жиҳатларда эса Джикия Туркиядаги ҳаётдан мамнун.
32 ёшли ҳимоячи «Анталяспор» сафига ўтган ёзда келиб қўшилган ва турк клуби билан икки йиллик шартнома имзолаган.
Жорий мавсум Туркия Суперлигасида Джикия 12 та учрашувда майдонга тушди, 2 та гол урди ва 3 марта сариқ карточка олди.